Friday Night
Oet de plaat op eige laminaat!

Ondanks de aanhoudende maatregelen omtrent het coronavirus , wil veer de vasteloavend in Sjömmert neet zo mer veurbie loate goan.

Doarom organisere veer op vriedig 12 februari 2021 ’t online evenement “Oet de plaat op eige laminaat”. Via de live-stream kint geer kieke en loestere noa versjillende artiesten, wo onger DJ Janiek dea bekind is van Szeukers! Pak uch (volgens de maatregele) bie ein veur unne gratis aovend gezelligheid.

De aovend begint mit ein hauf urke inlaup om 20.30 en vanaaf 21.00 goan veer ech beginne mit muziek, sjpas en leuke opdrachte töjsedoor wo geer prieskes mit kint winne!

Dit is de link noa de livestream: https://live.hoedemakers.pro/.

Om de aovend NOG gezelliger te maken kint ger een Friday-night bites pakket bestjtille bie ‘t Weverke of Bie- Ein. Dit kint t/m 9 februari. Hie mit sjteunt ger de lokale ondernummers in dizze moeilijke tied. Dit pakket is speciaal veur deze aovend en heat 2 variante: 18+ en 18-.

Wat krieg geer allemoal?
~ Kaasblokjes
~ Chips
~ Dreugweurskes
~ Neutjes
~ Amsterdamse uitjes

Veur de 18+
~ Schrobbeler

Veur de 18-
~ Get extra’s te knabbele

Dit sjoane pakket kos 11 euro en is veur 2 personen. Ger kint t pakket besjtelle bie:

Brasserie Bie-ein (Pam 06-21197676)
Café ’t Weverke (Petra 06-39384674)

Zodra geer het besjtild hub kint t pakket aafgehoald weare bie ’t Weverke of Bie-Ein op donderdig 11 februari en vriedig 12 februari tösje 16.00 en 20.00.